Ukwitunganiriza imigambi mu bakenyezi: umugambi Tuyage wankuye habi unshira heza
Imbere yo kuronswa inyigisho z’umugambi Tuyage,Consolate Nahimana wo mu Ruziba ntiyashobora kwunganira umugabo wiwe kuko yaguma i muhira arindiriye ico serugo azana .Tuyage umaze kuhashika ,Nahimana yararonse ubumenyi bujanye no kuziganya no kuguranana . Uyu musi arashima ko yateye intambwe mu kuronka uburyo nawe akaba yunganira umugabo kanatsinda urugo ni babiri.
Mu ntumbero yo kumenya akamaro umugambi Tuyage ufise mu miryango ,uruganda rwa Burundi Jobs rwagendeye umupfasoni wo mu Kanyosha maze aratuyagira ingene ubwo bucuti bumeze ndetse n’ico bwamushikanyeko.
Burundi jobs:Mwotwidondora?
Consolate :Ku mazina yanje nitwa Nahimana consolate ,ndubatse nkaba mba muri zone Kanyosha, quartier ni Ruziba mu gisagara ca Bujumbura.
Burundi Jobs:Imbere y’umugambi Tuyage,wari ubayeho gute?
Consolate :ubwa mbere,naguma i muhira nkarindira ico umugabo wanje azana maze tugasangira,bugaca bukira,bugasubira .Vyabaye imisi itari mike.
Burundi jobs:Mu vy’ukuri Tuyage yagufashije iki?
Consolate:ica mbere ni inyigisho baduhaye,baratwigishije ko umukenyezi atari uwo kuguma i muhira ngo ategere imisi yose ico serugo azana.Aho baciye batwigisha ubuhinga bwo kwitunganiriza imigambi duciye mu mashirahamwe yo kuziganya no kuguranana.
Burundi Jobs:Aho utanguriye kuziganya n’akahe karusho waronse?
Consolate:Aho ntanguriye kuziganya,ibintu vyarahindutse. Narabikoze mu nyuma ndaronka ingurane y’ibihumbi amajana atatu( 300.000 BIF).Ayo nayatanguje ivyo kudandaza indagara.Rimwe mu ndwi ndaronka ayo kuziganya ahandi naho nkaronka ayo gusumira umuryango kandi umutahe ntawukozemwo.
Burundi Jobs:Turetse ivyo nta kindi umugambi Tuyage wagushikanyeko?
Consolate:Ego cane ,muri ayo mafaranga,narakoze uburimyi,ngakota aho ndima imyumbati,ibigori hamwe n’ibiharage..Ubu ndemeza ko hari akarusho kanini nihweje uko tubayeho nkagereranya no mu misi yarenganye.
Burundi Jobs:umushingantahe wawe muvyumva kumwe ivy’umugambi Tuyage?
Consolate: umutware wanje tuvyumva kumwe .Nawe nyne arabona inyungu kuko haraho aja ku kazi akabura,ntibibuza ko mpagararira urugo nkariha ivya nkenerwa mu gihe mfise uburyo.Ikindi n’uko iyo umwana arwaye ndashobora kumuvuza bikagenda neza.Muri make,ubu nta mukenyezi wo kwicara i muhira ,nawe nyene arashoboye kuzana icunganira umuryango.
Ukwitunganiriza imigambi mu bakenyezi: umugambi Tuyage wankuye habi unshira heza
Imbere yo kuronswa inyigisho z’umugambi Tuyage,Consolate Nahimana wo mu Ruziba ntiyashobora kwunganira umugabo wiwe kuko yaguma i muhira arindiriye ico serugo azana .Tuyage umaze kuhashika ,Nahimana yararonse ubumenyi bujanye no kuziganya no kuguranana . Uyu musi arashima ko yateye intambwe mu kuronka uburyo nawe akaba yunganira umugabo kanatsinda urugo ni babiri.
Mu ntumbero yo kumenya akamaro umugambi Tuyage ufise mu miryango ,uruganda rwa Burundi Jobs rwagendeye umupfasoni wo mu Kanyosha maze aratuyagira ingene ubwo bucuti bumeze ndetse n’ico bwamushikanyeko.
Burundi jobs:Mwotwidondora?
Consolate :Ku mazina yanje nitwa Nahimana consolate ,ndubatse nkaba mba muri zone Kanyosha, quartier ni Ruziba mu gisagara ca Bujumbura.
Burundi Jobs:Imbere y’umugambi Tuyage,wari ubayeho gute?
Consolate :ubwa mbere,naguma i muhira nkarindira ico umugabo wanje azana maze tugasangira,bugaca bukira,bugasubira .Vyabaye imisi itari mike.
Burundi jobs:Mu vy’ukuri Tuyage yagufashije iki?
Consolate:ica mbere ni inyigisho baduhaye,baratwigishije ko umukenyezi atari uwo kuguma i muhira ngo ategere imisi yose ico serugo azana.Aho baciye batwigisha ubuhinga bwo kwitunganiriza imigambi duciye mu mashirahamwe yo kuziganya no kuguranana.
Burundi Jobs:Aho utanguriye kuziganya n’akahe karusho waronse?
Consolate:Aho ntanguriye kuziganya,ibintu vyarahindutse. Narabikoze mu nyuma ndaronka ingurane y’ibihumbi amajana atatu( 300.000 BIF).Ayo nayatanguje ivyo kudandaza indagara.Rimwe mu ndwi ndaronka ayo kuziganya ahandi naho nkaronka ayo gusumira umuryango kandi umutahe ntawukozemwo.
Burundi Jobs:Turetse ivyo nta kindi umugambi Tuyage wagushikanyeko?
Consolate:Ego cane ,muri ayo mafaranga,narakoze uburimyi,ngakota aho ndima imyumbati,ibigori hamwe n’ibiharage..Ubu ndemeza ko hari akarusho kanini nihweje uko tubayeho nkagereranya no mu misi yarenganye.
Burundi Jobs:umushingantahe wawe muvyumva kumwe ivy’umugambi Tuyage?
Consolate: umutware wanje tuvyumva kumwe .Nawe nyne arabona inyungu kuko haraho aja ku kazi akabura,ntibibuza ko mpagararira urugo nkariha ivya nkenerwa mu gihe mfise uburyo.Ikindi n’uko iyo umwana arwaye ndashobora kumuvuza bikagenda neza.Muri make,ubu nta mukenyezi wo kwicara i muhira ,nawe nyene arashoboye kuzana icunganira umuryango.
